შატილის გზაზე, სადაც ხევში მგზავრებით სავსე მიკროავტობუსი გადაიჩეხა, ტურისტულ კომპანია „თრეველერ ჯის“ ეკუთვნის.
რეესტრის მიხედვით, კომპანია 2017 წელს დარეგისტრირდა. „თრეველერ ჯის“ დირექტორია შალვა ბოლოთაშვილი. ის ასევე კომპანიის 50%-იანი წილის მფლობელია.
დანარჩენი 50%-ს კი არჩილ ცაგარელი ფლობს.
რამდენად დაცული იყო უსაფრთხოების ნორმები და მოგზაურობისთვის საჭირო სტანდარტები, ამას გამოძიება არკვევს.
შეგახსენებთ, შატილის გზაზე მგზავრებით სავსე მიკროავტობუსი დაახლოებით 80 მეტრის სიმაღლიდან გადავარდა. შედეგად გარდაიცვალა 17, ხოლო მძიმედ დაშავდა 3 ადამიანი.
შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო.
