დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე ქვეყანაში ეპიდემიოლოგიურ სიტუაციას აფასებს.
როგორც იმნაძე „დღის კურიერში“ საუბრისას ამბობს, შემოდგომის ბოლო და ზამთრის დასაწყისი საკმაოდ მძიმე იქნება.
„ვითარება ძალიან სერიოზულია. მატება სხვა ქვეყნებშიც არის, თუმცა განსხვავება ისაა, რომ სხვაგან მოსახლეობის ნაწილი აცრილია და ჰოსპიტალიზაცია ნაკლებად საჭიროა. რაც მთვარია, ადამიანების სიცოცხლე გაცილებით დაცულია, იქ სადაც ადამიანები აცრილები არიან.
ჩვენთან სამწუხაროდ ჰოსპიტალურ სექტორზე ძლიერი იქნება დატვირთვა. შესაბამისად, რა რაოდენობასაც მიაღწევს ავადმყოფთა რაოდენობა, იცით, რომ ყოველი 10000 ადამიანიდან 15 დაიღუპება.
ძალიან მძიმე შემოდგომის ბოლო და ზამთრის დასაწყისი გველის. ვითარება საგანგაშოა, იმიტომ რომ ეს რიცხვები დამოკიდებულია იმაზე, რამდენია პოპულაციაში აცრა“,- ამბობს პაატა იმნაძე.
19 ოქტომბერს საქართველოში კორონავირუსის 5 739 ახალი შემთხვევა დაფიქსირდა, ხოლო გარდაიცვალა 36 ადამიანი. დადებითობის დღიური მაჩვენებელი კი 10.15%-ია.
ასევე დაგაინტერესებთ:
