ხორავას ქუჩაზე მოკლული დავით სარალიძის მამა ზაზა სარალიძე გენერალურ პროკურორთან, ირაკლი შოთაძესთან შეხვედრას ითხოვს.
შეხვედრის მთავარი მიზანი სამოხელეო დანაშაულთან დაკავშირებით არსებულ კითხვებზე პასუხის გაცემაა.
„ამ საქმეში ჩვენი მთავარი ინტერესი სამოხელეო დანაშაულია, რომელთან დაკავშირებითაც, ჯერჯერობით, პასუხი ნამდვილად არ გვაქვს.
ჩვენ წერილობით მივმართეთ გენერალურ პროკურორს და ვითხოვთ გარკვევას, თუ რა ეტაპზეა ეს საქმე, გვაინტერესებს, რა საგამოძიებო მოქმედებები მიმდინარეობს“,- აცხადებს ზაზა სარალიძის ადვოკატი „ინტერნეტპრესნიუსთან“ საუბრისას.
