ზოგზოგიერთები ავრცელებენ ძალიან უპასუხისმგებლო ინფორმაციას ჯანმოს განცხადებებზე დაყრდნობით, – ამ შინაარსის პოსტს პრეზიდენტი სალომე ზურაბიშვილი სოციალურ ქსელში წერს.
„ვითომც ასიმპტომატური ადამიანებისგან იშვიათად თუ გადაიცემა ვირუსიო და ამდენად დისტანცირების წესების მკაცრად დაცვა ნუთუ გამართლებულიაო.
გუშინ გავრცელებული ჯანმოს საინფორმაციო ვიდეო პირიქით აჩვენებს, რომ ასიმპტომატური ისევე როგორც პრესიმპტომატური ( უკვე ინფიცირებული, მაგრამ ჯერ უსიმპტომო ადამიანი, რაც სამ დღემდე შეიძლება გაგრძელდეს) ადამიანებისგან ასევე ვრცელდება ვირუსი ახლო კონტაქტის პირობებში.
მე კი მგონია, რომ აფეთქების პრევენცია და მიღწეული შედეგის შენარჩუნება ამ ქვეყნის ეკონომიკურ და სოციალურ მდგომარეობას განაპირობებს და ყველას ინტერესში უნდა იყოს.
ვერ ვხდები, რას ემსახურება ასეთი „განსხვავებული აზრის” გავრცელება – ალბათ თავის გამოჩენას და ნამდვილად არა ქვეყნისა ან საზოგადოების კეთილდღეობას!“, – წერს ზურაბიშვილი.
