ზუგდიდში სატვირთო მანქანის მძღოლს თვითიზოლაციის ვადის გასვლის შემდეგ კორონავირუსი დაუდგინდა. ამის შესახებ ინფორმაცია რუსთავი 2-თან ზუგდიდის საზოგადოებრივი ჯანდაცვის ცენტრის დირექტორმა ნანა ოდიშარიამ დაადასტურა.
გავრცელებული ინფორმაციით, მძღოლს მოგზაურობის ისტორია აქვს და ის თვითიზოლაციაში იმყოფებოდა.
ამის შემდეგ ასრულებდა სატვირთო გადაზიდვებს, მათ შორის თბილისშიც.
„მას დაავადება დაეწყო 9 მაისს, მაღალი ტემპერატურით, ის თვითმკურნალობას მიმართავდა ოჯახში და როცა ჯანმრთელობის მდგომარეობა არ გაუმჯობესდა მიმართა რუხის კლინიკას”, – თქვა ნანა ოდიშარიამ.
პაციენტი ამ დროისთვის რუხის საავადმყოფოში იმყოფება.
