ზუგდიდის ინფექციურ საავადმყოფოში წუხელ, გვიან ღამით, სასწრაფო სამედიცინო დახმარების მედდა მოათავსეს. საავადმყოფოს პრესსამსახურის ინფორმაციით, მას Covid-19-ისთვის დამახასიათებელი სიმპტომები აქვს.

„დღეს იგეგმება ამ ქალბატონის ბიოანალიზის გადაგზავნა ლუგარის ლაბორატორიაში“, – ამბობენ საავადმყოფოში.

გარდა ამისა, დღეს განმეორებითი მეორე ტესტი ჩაუტარდება 50 წლამდე ქალს, რომელიც ოკუპირებული აფხაზეთის გალის რაიონის სოფელ საბერიოდან გადმოიყვანეს და კორონავირუსზე 30 მარტიდან მკურნალობს.

საქართველოში კორონავირუსით ინფიცირებული 306 ადამიანია. 

ბოლო მონაცემებით: 

• სულ გამოჯანმრთელებულია 69 ადამიანი

• ამ დროისთვის გარდაცვლილია სამი ადამიანი 

ასევე დაგაინტერესებთ:

• საქართველოში 31 მარტიდან კარანტინის რეჟიმი ამოქმედდა

• გამოცხადდა კომენდანტის საათი

• 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.

• 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა

• 21 მარტს, პრეზიდენტმა საქართველოს მთელს ტერიტორიაზე საგანგებო მდგომარეობა გამოაცხადა.

• საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.

• მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.

• შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.

• შეზღუდვები შეეხო კაფე-ბარებსა და რესტორნებს.

• ნახეთ, რას ნიშნავს საყოველთაო კარანტინი და რა წესები მოქმედებს მისი გამოცხადებისას.

ავტორი: თეა შონია