„ქართული ოცნების“ ცენტრალური ოფისის წინ, სადაც სცენის მონტაჟი მიმდინარეობდა, „გირჩი – მეტი თავისუფლების“ ლიდერი, ზურაბ ჯაფარიძე მივიდა.
ჯაფარიძე სცენასთან გიტარით მივიდა.
„ზეიმი რომელზე იწყება ხომ არ იცით? „საუნდჩექისთვის“ რომელზე მოვიდე?“,- კითხულობდა ზურაბ ჯაფარიძე.
ნახეთ ვიდეო: „ქართული ოცნების“ ოფისთან, სადაც სცენას ამონტაჟებენ, ზურაბ ჯაფარიძე გიტარით მივიდა
გავრცელებულ ვიდეოს სოციალურ ქსელში „ლელოს“ ლიდერი, მამუკა ხაზარაძეც გამოეხმაურა.
„ზურა 7 ზე შევხვდეთ საუნდჩეკზე, ოცნებამ სცენის აწყობა დაამთავრა, რეპერტუარი მზადაა“,- წერს მამუკა ხაზარაძე.
ტრადიციისამებრ, არჩევნების დღეს, სახელისუფლო პარტიის ლიდერები საკუთარ მხარდამჭერებთან ერთად ოფისის წინ დადგმულ მონიტორზე ისმენენ არჩევნების წინასწარ შედეგებს.
ე.წ. ეგზიტპოლები 20:00 საათიდან, საარჩევნო უბნების დახურვის შემდეგ გამოქვეყნდება.
დღეს, 2 ოქტომბრს საქართველოში ადგილობრივი თვითმართველობის არჩევნებია. ამომრჩევლები ქვეყნის მასშტაბით 64 მერს და ასევე, 64 საკრებულოს 2 068 წევრს აირჩევენ, როგორც პროპორციული, ისე მაჟორიტარული წესით.
მერის არჩევნებში გამარჯვებულად გამოცხადდება კანდიდატი, რომელიც არჩევნებში ამომრჩეველთა ხმების 50%-ზე მეტს მიიღებს. თუ კონკრეტულ მუნიციპალიტეტში ვერცერთმა კანდიდატმა ეს ნიშნული ვერ გადალახა, არჩევნების მეორე ტური დაინიშნება.
ნახეთ „პრაიმტაიმის“ სხვა სიახლეები
