სოფელ წინანდლის ტყეში მომხდარი მკვლელობის საქმეზე დაკავებულ ოლიმპიურ ჩემპიონს, ზურაბ ზვიადაურს ხერხემალზე გადაუდებელი ოპერაცია ჩაუტარდა. – ინფორმაცია „პრაიმტაიმს“ ზვიადაურის ადვოკატმა დაუდასტურა. ის ციხიდან კლინიკაშია გადაყვანილი.
შეგახსენებთ, წინანდალში, 16 აგვისტოს 3 ადამიანი მოკლეს, მათ შორის ერთი ოლიმპიური ჩემპიონის, ზურაბ ზვიადაურის ძმა, ზვიად ზვიადაური. ზურაბ ზვიადაური ერთი ადამიანის განზრახ მკვლელობის ბრალდებითაა დაკავებული. მას სასამართლომ აღკვეთის ღონისძიების სახით პატიმრობა შეუფარდა.
